ناس ادروب وبس

اهلنا ناس ادروب اهلنا الطيبين البسيطين

أجمل ناس

نبدا بسم الله

قال ليك أدروب عايش فى البلد لاشاف مستشفى ولا ضاق مرض فى الدنيا دي يعني مايعرف الا السيف والخلال يوم حس بألم شديد فى بطنوا أهلو عرضوا على الطبيب بأقرب مدينه ،، الطبيب كان مسطول سطله قويه كشف على المريض ولقى عندو زايده ملتهبه تحتاج الى عمليه مستعجله كما حس بأن أدروب لايعرف الطبيب من الممرضه لذلك قرر يضحك على ادروب وبعد العمليه أحضر الطبيب طفل حديث الولاده وختاهو جنب المريض وبعدما فك البنج أدروب صحى لقى المولود قدامو ودار الحوار التالي :ــــ
الطبيب : ادروب مبروك جبت ولد
أدروب : لاحول ولا قوة الا بالله
الطبيب : يا سلام يا أدروب والله يشبهك شبه شديد
أدروب : بحسب بساطته صدق انو الولد حقو ،،، وفجأه المولود بدأ يبكي ويصرخ ويصيح
الطبيب : يا ادروب الولد جيعان ما ترضعو شويه
أدروب للولد : حليب من وين يها ما تبكي أمك راجل أبوك راجل

ادروب بشاغل في بت ياجمال كسلا ياجمال توتيل فجأه البت وقعت منها الطرحة وظهرت عندها صلعة ادروب فجأه قال ليها ياجمال فرفور

في كسلا في حلة بتاعت نوبة اسمها كادقلي فيها بيوت سكر , يوم الكشة بيكون معروف مافي زول يجي يسكر , وكسلا معروفة بالتهريب , اها يوم في كشة ادروب ما عارف جاء اتملاء عرقي فل , فجأة الكشة كبست لاندكروزرات جد ادروب قام مشتت لاقاهو لاندكروزر قدامو رجع الشارع التاني لقي واحد قدامو حاول يرجع اتحاصر بين تلاتة لاندكروزرات , الضابط نزل مسكو قام ادروب قال ليهو : شنو يا جنابو انا شكران ولا تهريب .

اتنين من الادروبات شغالين فى وزارعة الزراعه فى النقل الميكانيكى الجماعه تخصصهم نشل اسبيرات تركترات
الواحد بجى طالع رابط الابرول من تحت على كرعيه وبكون حاشى الابرول اسبيرات جماعتك الادروبات شغالين سنين كدا
يوم فى البوابه واحد مره والتانى قبضوا دا شنو يا ادروب فكفك فكفك طلعو الاسبيرات من الابرول
والله دا اسبرات اسبيرات شنو يا ادروب اسبيرات تركتر
ادروب قام فى الجماعه
اها اخوى الطلع اول قبطوا قالوا لى لا
قال ليهم والله داك كان كبيتوا فى جزلين هسا ادور

أدروب أكل مرقة ماجي بكمية كتيرة
جاتو قبضة قوية ودوهو المستشفي
الدكتور سألوا ،، أكلت شنو الليلة ياأدروب

(((( بسكويت أبوديك أكلنا))))

أدروب سمع بموت قرنق ،،، قال لا اله الا الله ،،،
ماهية واهد ماصرف.

قال ليك ادروب فى المظاهرات شابك ليك الناس سكر مافى دقيق مافى
ناس الامن قبضوه ودوه المخازن بتاعة التموين
يفتحو شوال شوال
ده شنو يا ادروب
يقول ليهم دقيق
يروحو مدخلين راسو فى الشوال لما نفسو يتقطع
تانى يفتحو شوال
ده شنو يا ادروب
ده سكر
يروحو مدخلين راسو فى الشوال لما نفسو يتقطع
المهم عذبوه وفكوه
الطلبه لقوه تانى يوم سالوه
اها يا ادروب الحصل شنو
قال ليهم الهمدلله الماقلت شته مافى (الحمدلله الماقلت شطه مافى)

إتنين كانو بصلوا الظهر جماعة إمام ومأموم وجاء واحد تالت وما عارف الإمام اليمين ولا الشمال فالصحيح هو أن يسحب المأموم ليرجع معاهو وراء ويبقى الإمام قدام ولكنه بدلاً من ذلك بدأ يسحب في الإمام يسحب يسحب يسحب والإمام واقف تُج وادروب واقف بعيييييييييد ويمصور في المشهد في النهاية كورك في الزول وقال ليهو

هوي الضلفة ده مقفولة .. التانية جر.

قال ليك في ادروب عايز لي قروش من شايقي فقام جا يطالب بي قروشو..ادروب :القروش ادينا الشايقي:ما اديتك ليهن..اديك ليهن كم مرة ادروب:يها اسمع القروش تدينا و لا ما تدينا?الشايقي:يا ناس الزول دا غبيان..اديك ليهن كم مرة قروشك ديل.ادروب قام زهج و حس انوا الموضوع ما فيهوا فايدة قام كابس ليك خنجروا قبل ما يتحرك كدا بس لقي ليك يد تنزل في كتفوا عاين لي ورا لقا ليك عسكري شايقي مشلخ ساقهم النقطة..في النقطة ادروب لقي ليك مامور القسم شايقي مشلخ لي ورا..رئيس القسم شايقي مشلخ لي ورا..ادروب عرف ليك نفسوا ورط ورط قام المامور يسالو اسمك منو؟ ادروب محمد طاهر قبيلتك شنوا؟؟ادروب اتلفت كدا كدا قام قال لي شايقي المامور:يا زول استهدي بالله ادروب:و الله شايقي المامور:خلاص اكتب شايقي..شغال شنوا؟؟ادروب عاين كدا و طبعا ممغوص من الزول داك قام قال لي نحن الشايقية غير حق الناس عندنا شنوا اكتب حرامي

ادروب شغال طلبه ف الميناء وطبعن الميناء فى حرس مسلح بحرس البوابه يفتش الداخل ويفتش المارق ماف نمله بتخش سااااى

عمنا ادروووووب كل يوم يجى طالع بعد اليوميه شايل جردليييين ملانيييييين تراب

الحرس ( شايقى لئييييييييييييييييم ) : تعال هنا شايل شنو ف الجرادل دى ( بنهره كدا )
ادروووووووب : والله يا جنابو ترااااااااب شايلييين
الحرس : كب التراب دا هنا اشوف جواهو شنو ؟؟
ادرووووووووب يكب التراب والحرس يفتش مايلقى حاجه
شهر ادروب يومى يجى طالع بالتراب

الحرس : قايلنى بزهج اخليك كب كب التراب دا
ادروب بعد فااات الحرس
قاااال

والله انتكم حرس بليد سااااى
ادروب جرادل يسرق

وربــــي فـــله النكـــت يا سستــــي ناس ادرووووب وانتهـــــى الكلاــــم
تسلمي يــــــا عسل